Монгол Улсын Компанийн тухай хуулийн 76.1.8 болон 81.5.1, “Эм Жи Эл Акуа” ХК-ийн холбогдох дүрэм, журмуудад үндэслэн Гүйцэтгэх захирлын сонгон шалгаруулалтыг зарлаж байна.

КОМПАНИЙН МЭДЭЭЛЭЛ

Манай компани Voyage брэндийн цэвэр усны үйлдвэрлэл, худалдаа эрхэлдэг бөгөөд 2001 онд Бумбатын рашааны судал даган байрлаж, анх үүсгэн байгуулагдаж байсан. 2014 оноос шинэ хувьцаа эзэмшигчид, хөрөнгө оруулалт, шинэ технологи, олон улсын стандартаар шинэчлэгдэн өөрчлөгдөж, 2024 оноос Хувьцаат компани болон компанийн сайн засаглал, мэргэжлийн удирдлага, шилдэг технологи, тогтвортой хөгжил, хариуцлагыг эрхэм зорилгодоо тусган үйл ажиллагаагаа явуулж байна. 

НЭР ДЭВШИГЧИД ТАВИГДАХ НИЙТЛЭГ ШААРДЛАГА

Бид компанийн эрхэм зорилго, дунд, богино хугацааны төлөвлөгөөг хэрэгжүүлэх чадвартай, туршлагатай, мэдлэг боловсрол, ёс зүйн зөв хандлагатай, олонтой ажиллаж, ажиллуулж чаддаг, манлайлагч, мэргэжлийн гүйцэтгэх захирлыг сонгон шалгаруулж авна. 

НЭР ДЭВШИГЧИД ТАВИГДАХ ТУСГАЙ ШААРДЛАГА

• Удирдах албан тушаалд наймаас доошгүй жил ажилттай ажиллаж байсан, төслийн удирдлага, бизнесийн стратеги хэрэгжүүлсэн туршлагатай байх;
• Үйлдвэрлэлийн салбарт ажилласан байх. Ложистик, маркетинг чиглэлээр амжилттай ажиллаж байсан бол  давуу тал болно;
• Нэгдмэл сонирхолтой этгээд нь сүүлийн 3 жилийн хугацаанд тухайн компанид эрх бүхий албан тушаал эрхэлж байгаагүй байх;
• Тодорхой албан тушаал эрхлэх, эсхүл үйл ажиллагаа явуулах эрхийг нь шүүхийн шийдвэрээр хасаагүй, аливаа шүүхийн шийдвэрээр ял шийтгэлгүй байх;
• Тухайн хуулийн этгээдтэй адил төрлийн үйл ажиллагаа явуулдаг хуулийн этгээдэд өөрөө болон хамаарал бүхий этгээд нь хувьцаа эзэмшдэггүй, эрх бүхий албан тушаал эрхэлдэггүй байх;

БҮРДҮҮЛЭХ МАТЕРИАЛ, ХУГАЦАА, АНХААРАХ ЗҮЙЛС

Нэр дэвшигч дараах материалыг нэг pdf файл болгон өөрийн мэйл хаягаас 2025 оны 05 дугаар сарын 13-ны өдрийн 17.00 цагаас өмнө info@mglaqua.mn цахим хаягт хүргүүлнэ. 

Өөрийн CV, товч намтар, холбоо барих мэдээлэл

1. Гүйцэтгэх захирлаар ажиллах хүсэлт (өөрийн мэдлэг, ур чадвар, туршлагын талаар илэрхийлэх);
2. Өмнө ажиллаж байсан хоёроос доошгүй байгууллагаас тодорхойлолт авах
3. Иргэний үнэмлэх, Нийгмийн даатгалын шимтгэл төлөлтийн лавлагаа (e-mongolia);
4. Боловсролын диплом, мэргэжлийн үнэмлэх, сургалт семинарт хамрагдсан гэрчилгээ, сертификатын хуулбар 
5. Шүүхийн шийдвэрээр бусдад өр төлбөргүй эсэх тодорхойлолт (e-mongolia)
6. Эрүүгийн хариуцлага хүлээж байсан эсэх тухай лавлагаа (e-mongolia)
7. Нэр дэвшигчид тавигдах нийтлэг болон тусгай шаардлагыг хангасан тухайгаа тодорхойлох бусад нэмэлт материалууд.

Хугацаа хоцорсон материалыг хүлээн авахгүй. Материал хүлээн авсантай холбоотой компани бусдын өмнө ямар нэг үүрэг хүлээхгүй. 

Холбоо барих утас: 77045555

СОНГОН ШАЛГАРУУЛАЛТЫН ҮЕ ШАТ

1. Нэр дэвшигчийн материалын бүрдэл, нийтлэг болон тусгай шаардлагад нийцэж байгаа эсэхийг үнэлж, хамгийн өндөр үнэлгээ авсан 5 хүртэлх оролцогчийг Нэр дэвшүүлэх болон цалин урамшууллын хороотой ярилцлага хийнэ;
2. Хамгийн өндөр үнэлгээ авсан оролцогчийг Төлөөлөн Удирдах Зөвлөлийн Хурлаар эцэслэж, гэрээ байгуулна.

                                         НЭР ДЭВШҮҮЛЭХ, ЦАЛИН УРАМШУУЛЛЫН ХОРОО